Amat ari Ati aku:"Minta ampun aku enda ulih nyelamatka nuan, taja pan aku udah bebendar."

 "Minta ampun aku enda ulih nyelamatka nuan, taja pan aku udah bebendar."

Pemetang datai enggau jampat, lalu aku enda tetemuka penampak.

Aku tentu deka nukar semua pagila kena aku nulis baru hari ti balat tusah nya.

Tang maya nya pemerintah ti balat jai, enchuri utai ti enda ulih diulang agi.

Nuan ngelunjak nengah jari aku baka pasir ba ai pasang ti nelusur.

Aku tinggal enggau pemetang sereta pemedis ti enda ulih disamar aku.

Enti semina pengerindu aja ulih nyelamatka nuan, nuan agi bisi ditu, nya aku nemu.

Tang diatu aku semina mai pengingat nuan ba dini-dini endur aku bejalai.

Tu meh pengasai ati aku bila kitai udah kala saum rindu nyembah Tuhan, tang udah nya kelama iya, ati kita mutar ari Tuhan lalu nitih jalai bukai dalam pengidup kita. Patut aku mesan kita belama? Ni regang ti udah di angkat ka kita nya dini alai kita ninggal ka iya? Menyadi selagi seput bisi awak ka kitai saum dalam pengarap, anang milih dua tuan. Awak ka pengidup kita meruan ketegal Jesus Kristus, nya ti pemadu ngasoh kitai berasai beruntung arika kitai nerima berkat aja.

Esekiel 3:18-19,”Enti Aku madahka orang ke jai nya deka mati, tang nuan enda meri jaku tangkan nya ngagai iya lalu ngasuh iya ngubah ulah diri ngambika iya ulih ngidupka nyawa diri, orang ke jai nya deka mati ketegal dosa iya empu, tang Aku deka nekanka nuan betanggungjawapka pemati iya. 19Enti nuan meri jaku tangkan nya ngagai orang ke jai, lalu iya enda badu bedosa, iya deka mati ketegal dosa iya empu, tang nuan empu deka nyelamatka nyawa diri.”