Lalau Pengidup: Chara nuan ngintu indai nuan ngayanka baka ni pengidup deka nyadi ba nuan. Indai nya meh pemeri pengerindu enggau pengidup.

 Chara nuan ngintu indai nuan ngayanka baka ni pengidup deka nyadi ba nuan. Indai nya meh pemeri pengerindu enggau pengidup.

Indai digaga ari pengerindu ti nadai bebagi, ti nadai orang bukai ulih meri nuan. Anang ngakim iya. Berapa kali nuan udah duduk mendingka iya? Ka berandau enggau iya pasal pengidup iya suba? Engka iya nadai kala madah ngagai nuan pasal pengidup ti balat jai ti ditapi iya sebedau nuan datai.

Engka iya enda kala mantaika bakal ti ditanggung iya, bekau ti ayan baru tiap kali iya ngenang maya agi mit enggau maya dara ti balat ngenakutka ti diasaika iya. Maya ti balat ngemedis ti ditengah iya lebuh nadai orang mendingka iya, lebuh iya dipejal, ninggalka bekau jaku ti kasar, penyeranta, pengirau, enggau nadai di sokong.

Berapa mayuh penusah ti dipelalaika iya ti dipegai iya dalam ati iya ti enda kala dipadahka iya enggau nuan—ngambika nuan nadai gambar ti enda betul pasal pengidup iya? Iya milih enda madah ngagai nuan ketegal pengerindu, tauka engka sunyi nyadika palan iya ngelindung diri ari pemedis ti nambah maya ingat ka kenangnya.

    Ibun iya enggau manah, baka reta ti berega dalam pengidup nuan. Ngereja nya deka mai berekat, pemaik, pengaga, penegap, sereta umur ti panjai.

    Kelimpah ari nya, anang enda ingat, nuan deka dibela orang bukai baka nuan ke mela indai nuan. Pengerindu ti dipandangka nuan enggau utai ti dikereja nuan deka ngajar orang bukai ti ngelingi nuan. Indai semina siku aja, enti nuan enda ngintu iya diatu, nuan engka nesal dudi hari lebuh ngigat nya, nuan nyau enda ulih tinduk sinu deduie. Nuan enda ulih tinduk laban indai nuan; tang, pengingatnya deka nyadi antu ti ngeregau nuan empu ti begedi sereta enda ngasi.

john 16: 21,"Lebuh indu radai deka beranak, iya pedis, laban maya iya udah datai. Tang lebuh iya udah ngadaka anak iya, iya enda agi ingatka pemedis nya, laban ati iya gaga ke anak ke udah diadaka ngagai dunya."