Jako Kunsi: SEBUAH REGANG TI PEMADU BERAT

 

SEBUAH REGANG TI PEMADU BERAT

Seiku bujang benung ba ujung runding iya, meda nadai jalai pansut, iya lalu ngelabuhka diri ngagai tanah serta bersugang lalu besampi.

“Tuhan, aku enda ulih nerus ka tu,” ku iya. “Aku bisi regang ti kelalu berat ti patut ditanggung.”

Tuhan nyaut, “Anak aku, enti nuan enda ulih nanggung pemerat iya, engkah aja regang nuan .dalam bilik tu. Udah nya, buka pintu bukai nya lalu pilih sebarang regang ti dikedekaka nuan.”

Lelaki nya penuh enggau pengelantang lalu bejaku, “Terima kasih Tuhan,” lalu iya ngereja baka ke dipadah Iya.

Lebuh tama ngagai bilik bukai, iya meda mayuh regang; sekeda naka pemesai puchuk kayu.

Sekeda nyau enda alah peda ujung ulu iya. Udah nya, iya tepedaka siti regang ti mit ti bepanggai ba dinding ti jauh.

“Aku deka ke regangnya, Tuhan,” ku iya madah enggau ati gaga. Ku TUHAN nyaut, “Anak, nya meh regang nuan ka baru dibai tama.”

Lebuh penanggul pengidup baka ke balat serta berat, nya nulung kitai merening ngelingi lalu meda semua utai . Orang bukai benung napi enggau regang ti berat Nuan patut asai betuah enggau utai ti dikemisi nuan. 

REGANG NUAN

Nama utai ngeregang nuan, Nama aja pemedis nuan .

Selalu bisi panchar mata panas, Pengudah ari ujan .

Engka nuan tesangkut, Engka nuan teterap,

Tang Tuhan seruran bisi, Kena nulung nuan nengah semua utainya.