Pendingka Iya

 Pendingka Iya

Injil Luke nya Bup Kudus ti diasaika tebal agi ulih dimeretika kitai. Bup tu semina nyadika saksi utai ti dipeda enggau didinga orang ti arap, lalu udah nya ngangauka kitai begulai enggau chara idup nitihka “pengarap” tu. Dalam Luke 9:28-36, Apai bejaku: “Tu Anak Aku ke dipilih Aku. Pendingka Iya!” (Peratika ti enda tau enda; utai nya beguna!)Taja pan kitai engka enda meretika enggau penuh implikasi teologi dalam cherita Ubah Gamal tu, tebal agi kitai ulih ninga ko Tuhan bejako: “Pendingka iya!” Kitai patut berengkah enggau mending. Kitai mansang ke mua enggau chara bebendar deka meretika utai. Kepenudi iya, kitai ngelepaska peneka ati diri empu enggau chara nyerahka semua utai ti dikemisi sereta betuai ba Tuhan ti Siko. Kadang-kadang kitai engka tusah deka meretika enggau penuh tauka dalam, tang, diberi “pengarap” ti mudah dalam injil, kitai patut mansang dalam Iya. Anang ngasuh iya nyadi mar. Apai tentu enda ngepun saritu enggau leka jako,“Tu Anak Aku ke dipilih Aku. Pendingka iya.”

Bebasaka tauka Nitihka?

Apin lama ke udah aku bisi macha pasal pemati bala segerija ke alai aku suba. Sekumbang kami udah ngelala pangan diri, iya amat manah ati, lurus, sereta kiruhka enggau raban anembiak di gerija, aku enda sedarka skop pengawa iya ti bendar ti nulung di gerija enggau pengasih. Semina pengudah iya mati baru aku ingat ka pengawa iya maya kami nyadi raban gerija menya. Iya enggau aku di gerija dalam konteks ti lebih luas agi dalam pengidup ti diungkupka mela ke orang bukai. Sida nyadi orang ti diiring aku lalu aku meda pemujur gaya idup sida, kerja ti badas serta idup lantang. Tang bila ngenang reti “Pengelantang” ti bendar, berunding baru ga kitai enti kitai amat-amat bulih pengelantang ti bendar. Piring ti kudus Dalam Darah Jesus nya amat besai reti, tang bisi kitai meri piring ti amat-amat kudus ngagai Allah Taala? Nama utai ba ati nuan? Nama tuju pengidup nuan? Kadang-kadang kitai meri piring laban kitai ka meri; lalu kenu ko kitai tanda beterima kasih (syukur) ngagai Tuhan. Nama piring ti dikedeka Tuhan ari kitai? Dia deh kitai maca tadi Apai ti nyebut ba luke 9:28-36, Apai bejaku: “Tu Anak Aku ke dipilih Aku. Pendingka Iya!”. Piring ti kudus iyanya kitai ngelala serta mereti ka jako Tuhan, Jako ti datai ari anak Iya Jesus Kristus,"Pendingka Iya!”. 

Engka nuan kala ngasaika utai ti sama lebuh ngulu pengawa ngingatka niang. Naka meh pemanah enti bulih perspektif tu ba orang lebuh iya agi idup. Utai ti sebaka, tang dalam agi, nyadi ba Peter, James enggau John ba tuchung Bukit Ubah Gamal. Nyadi murid Jesus, sida ngelala iya nyadi pengajar, tukang ngerai sereta pangan. Tang ba hari nya, lebuh Kristus ngayanka diri dalam mulia ti manchar enggau dua iku orang ti pemadu dipebasaka dalam sejarah orang Judah, sida nemu iya mega pengamat Adat (di-arika Moses) enggau bala nabi (di-arika Elijah), lalu dikingatka iya nya Anak Petara. Peter deka ngingatka maya nya lalu meri basa ngagai Jesus, Moses enggau Elijah nengah chara ngaga langkau.

Ngenang enti kitai mensia bisi bekuasa, kaya, raja, tang enda meh lama enti ulih baka nya, nya siti pengingin ati ti deka ngereja sesebengkah pengawa mensia ti amat tau ngemuaska ati, Solomon pun berasai rugi ba umur iya laban kelalu angkun ka utai dunia. Taja pia kitai enda ulih bepegai ba utai ke udah nyadi tauka utai ke diatu. Pengidup kitai patut diteruska Dalam intu iring Roh Kudus; laun tauka jampat, kitai mesti ninggalka semua “langkau fizikal” tauka “piring” (ti sengapa ti nitih ka ati kitai aja) ba belakang kitai. Anang kitai nguing ka belakang ngingat ka semua utai lepas. Kitai patut merning ke depan lalu bejalai ngagai jalai ti bendar serta lurus, jalai ti nuju ngagai rumah Apai ti di Serga (nitihka map Jako Tuhan).