Tips kena nyadi apai ti manah:
Epesus 6:4 " Lalu kita ke apai, anang ngereja utai ti tau ngemediska ati anak kita, tang iring sida nyadi orang ke besai tuai dalam disiplin enggau ajar Tuhan."
1. Kasihka bini nuan.
Terima meh semua pemanah enggau penyai maya jadi enggau iya. Iya meh ke ngada sereta ngibun peturun nuan nyau deka siang malam. Siti pengorbanan ti nyata amat enda ulih digaga apai aku. Tiap hari beperang enggau asai ati sereta pengorbanan dalam ngibun peturun nuan kenyau ari ada... Enti nuan sayau ke bini nuan.. baru sayau sereta sayau ke diri sebilik..
• Epesus 5:25 "Kita ke laki, rinduka bini kita, baka Kristus ke rinduka eklisia, lalu nyerahka Diri Empu ke eklisia,…"
Reti: Jesus udah nyerahka diri nyadika bukti iya rinduka anak iya. Nengah tu, Allah Taala dekaka laki rinduka bini sida baka Iya ti rinduka kitai.
• Pengajar 4:9-11 "Dua iku manah agi ari siku, laban enti seduai iya begulai, seduai iya bulih agi gawa. 10Enti sema siku ari seduai iya teterap, siku ga bisi ngangkatka iya. Tang enti orang diau kediri-diri, lalu iya teterap, nya amat tusah, laban orang nadai nulung iya. 11Lebuh chelap, dua iku tau bekimbit tinduk, lalu ngangatka isi pangan diri, tang baka ni ku kitai ulih ngangatka diri enti kitai tinduk kediri-diri?"
Reti: Gaga kaling nuan nyadi kaling dalam semua utai. Enti Iya bisi ba tisi nuan, nuan deka kering agi, ulih agi, sereta lantang agi.
• Mark 10:9 "Nya alai, nadai orang tau nyeraraka utai ti udah ditampilka Allah Taala."
Reti: Ba orang Kristian, pengawa jadi melaki-bini nya utai ti kudus laban Allah Taala empu ti ngikat seduai melaki bini nyadi melaki bini lalu semaya ti digaga seduai iya tuchi ba mata Allah Taala. Enggau ngamatka kaul enggau semaya tu, seduai melaki bini udah bebasaka Petara.
2. Ngena awak begulai.
Kadang-kadang mai diri sebilik bejalai. Besantai ba tisi pantai disempulang enggau angin ti lembut.. 'Bonding time'.. Sesi belelak sereta bepeluk begulai. Sambil mendingka ekspresi ati pangan diri.. Ngenang pangan diri sereta ngemetulka penyalah diri empu..
Enti bisi anak mit.. Lebuh anak mit dani malam. Ambi peluang nya ngintu sereta ngibun anak mit nuan. Awakka bini nuan tinduk lalu nganti bini nuan. Lebuh anak nuan udah manggai umur 3 bulan, maya nya meh maya ti engkeman endur nuan bejalaika pengawa nyadi apai ngambika penumbuh anak nuan setipak enggau pemansang.
• Pemungkal 2:24 "Nya kebuah lelaki ninggalka apai indai iya, lalu begulai enggau bini iya, lalu seduai iya nyadi siku."
Reti: Petara deka tiap iku orang enggau kaling sida enda agi bepanggai ba diri sebilik lalu pansut ari rumah nempa ruang bilik baru. Sepasang nya diau begulai nyadi siti unit sereta bepanggai ba pangan diri, sama baka chara apai indai seduai iya suba.
3. Nyadi teladan.
Jaku Dalam 22:6 ti madahka, "Ajar anak mit jalai idup, nya baru sida deka ingatka ajar nya seumur idup."
Jaga pangan diri lalu ngemanahka diri awakka nyadi pangan ti manah ke anak. Tunjukka ulah enggau pengawa ti manah laban anak nuan meda tiap ulah nuan lalu engka anak nuan deka ngaga nuan nyadi ENGKARAMBA maya hari ila.
4. Meretika perangai siku-siku anak nuan.
Luke 15:20 "Nya alai iya angkat lalu pulai ngagai apai iya. Tang lebuh iya agi jauh ari rumah, apai iya tepedaka iya, lalu sinu ati ke iya. Iya belanda lalu merap iya, lalu nyium iya."
Bekomunikasyen enggau pangan diri lalu nerima pemanah enggau pengurang pangan diri enggau enda midaka siku ari siku Meri iring ngena chara ti engkeman sereta enda kelalu mejal. Awakka penumbuh sida nitihka arus.
5. Ngayanka pengerindu.
Salin pengerindu nuan ngagai anak nuan. Anang ngasuh sida berasai kediri sereta sunyi. Beinteraksyen enggau pangan diri sereta meri ngagai pangan diri ngambika sida ngasaika diri dipebasa sereta dikerindu..
6. Disiplin anak nuan enggau lembut.
Masmur 103:13 "Baka apai ke nelap enggau anak diri, baka nya meh TUHAN nelap enggau orang ke nangika Iya."
Ajar sereta didik anak nuan enggau lembut lalu anang
kelalu mejal sereta bebendar. Dikeirauka sida deka ngelaban suatu hari ila.
Nyediaka jako enggau lembut ati ukai enggau pengeringat..
7. Simpan duit ka jemah ila.
Rome 13:8 "Anang berutang ba orang, kelimpah ari berutang pengerindu ba pangan diri, laban orang ke rinduka pangan diri, udah ngamatka Adat."
Reti: "Anang berutang" reti nya anang semina
idup enggau nerima pengasih ari Allah Taala enggau orang bukai, tang kitai mega
patut rinduka Allah Taala enggau orang bukai. Utang ti disebut dalam ayat di
atas nya utang pengerindu, ukai utang belanja.
Nyadi apai ti pintar. Nuan ke nyadi tuai bilik patut merambu belanja nuan enggau manah. Duit ukai semua utai tang iya amat beguna ke pengidup anak nuan jemah ila. Bijak nyimpan sereta nyimpan ungkup penusah ngenyit enggau guna jemah ila.
8. Makai enggau diri sebilik.
• Epesus 4:32 ."lalu nelap enggau pangan diri, siru enggau pangan diri, ngampun pangan diri, baka Allah Taala, dalam Kristus, ke udah ngampun kita."
Reti: Tiap iti rumah tangga mesti nengah maya ti tusah, lalu kekadang sepasang laki bini ngaga penyalah sekalika nya sengaja tauka enda. Semina enggau ngampun sereta nesal ati aja penanggul nya ulih diputarka. Lalu ngampun nya siti ari chara pengerindu, baka ke ditulis dalam 1 Korint 13:4-5.
Rindu makai enggau diri sebilik. Bepangan sereta berandau enggau pangan diri. Tunjukka penghargaan ngagai pangan diri ngambika sida ngasaika diri dikesayau..
9. Besampi sereta besembiang begulai.
• Lagu 2:16 "Ambai aku endang enggi aku, lalu aku endang enggi iya. Iya ngasuh raban bedus iya ngulam ba madang bungai bakung"
Reti: Udah diberekat Petara dalam rumah tangga ti kudus,
melaki bini bisi pangan diri dalam pengaga enggau penusah, belama-lama
nyentukka deka beserara.
Nyadi “paderi” tauka tuai bilik, ajar anak nuan ngasika Allah Taala. Ajar sida pasal gerija, pengarap enggau dosa awakka sida nyadi anak ti taluk sereta taluk sereta bebasaka Allah Taala
10. Enjoy momen nyadi nuan apai belama.
Lebuh nuan nyadi apai, nuan deka seruran nyadi apai. Nyadi apai ti sabar sereta betanggungjawab lalu didik anak kita ngambika penumbuh anak kita setipak enggau pemansang iya .
Ngarapka Tuhan ngiring nuan nyadi apai 🙏⛪.
No comments:
Post a Comment