Andaian
Tiap iku orang Kristian patut ngetanka fokus ti fokus. Kitai
mesti milih peneka Petara baka ni pan, taja pan nya begunaka pengorbanan ti
besai. Ngambika pengawa tu nyamai agi, kitai patut nemu nama utai ti ngasuh
sitan berasai kelalu andal ke diri empu. Kati sitan sedar nuan suah ngiga
pemenuh dalam pemakai tauka ai irup? Udah nya iya deka ngumpan nuan ngena chara
nya. Kati iya nemu nuan mudah malas? Tu deka nyadi chara ti dikena iya. Juluk
ati kitai mesti deka ngelala penguji ti deka dianggap sitan pasal kitai lalu
nguji nuchi ulah nya, nya alai ngalahka pengangkun orang ti jai.
Peratika sangka ti bisi ba sitan pasal nuan. Lebuh Tuhan
kitai diuji deka ngemuaska lapar tubuh Iya ketegal ngasika peneka Apai ti
ngasuh Iya bepasa empat puluh hari empat puluh malam, pemutus nya mudah.
Ngemuaska tubuh nadai reti ba Jesus laban Iya ngiga tikas ti jauh dalam agi ari
pengamat mensia. Pemakai enggau pemuas ati Iya nya dikena ngamatka peneka Apai
Iya. Kitai patut ngiga jalai neladan Tuhan kitai lalu seruran lebih agi rinduka
peneka Apai, enda ngira rega, ari utai ti mudah, ti betubuh bisi, tauka ti
ngelantangka ati. Enti kitai ngereja nya, kitai deka nemu penguji sitan ukai
semina enda efektif, tang mega ngasuh geli ati.
No comments:
Post a Comment