BEKAL TI AMAT
"Tang, simpan reta tengkira ke diri empu di serega,
alai indu utai ti enda ulih dirusak, lalu endur penchuri enda ulih nyerungkai
rumah lalu enchuri." (Matthew 6:20)
Sapa kitai tu? Kitai nyadi anak Allah Taala ulih pengarap
dalam Jesus Kristus (Gal. 3:26). Nama utai dikena kitai ditempa? Ngereja peneka
Allah Taala sereta ngemuliaka nama Iya (1 Kor. 6:20). Bepelasarka pemereti ati
tu, enda ngira latar belakang pelajar, pengawa enggau tikas ekonomi, tiap iku
orang ti arap bisi tanggung pengawa ngiring pengidup iya nuju peneka enggau
mulia Allah Taala. Nya alai, nama utai ke patut disediaka kitai?
Kristus ngelalau bala murid awakka sida nyimpan reta
tengkira di serega lalu nagang sida nyimpan reta tengkira di dunya. Iya ukai
niat deka ngerumpak reta tengkira bala nembiak. Iya meri atur ngambika bala
nembiak milih enggau betul reta tengkira ti patut diuji nyadika bekal ti amat.
Reta dunya (duit, emas, rumah ti badas, kerita ti lawa, pangku pengawa, kuasa
enggau ti bukai) endang amat ulih dikena nyadika chara enggau kereban, tang iya
enda ulih nyimpan. Reta dunya enda nitihka standard nyadi bekal pengidup ti
meruan belama iya laban iya mudah dirusak kulat enggau karat. Nya alai, enti
kitai deka pengawa kitai enda lebu, ngumpul reta serega ti bisi rega ti meruan
belama iya.
ATI NITIHKA RETA, DUNYA TAUKA SERGA? PILIHAN KITAI MANTAIKA TUJU PENGINGIN
ATI KITAI TI BENDAR.
No comments:
Post a Comment