Pengerindu ti Dalam Muai Penakut

 Pengerindu ti Dalam Muai Penakut

Luke 9:22 ku Iya, “Anak Mensia enda tau enda balat diperinsa, lalu ditulak sida tuai bansa, sida tuai imam, enggau sida pengajar Adat, lalu dibunuh, lalu ba hari ti ketiga diangkatka idup baru.”

Kelalu suah, “pengerindu” diperetika nyadi asai ti tegap sereta manah. Iya diperatika nyadi penarit ati ngagai sesebengkah utai tauka pengerindu ti kuat ngagai utai nya. Tang nya ukai pengerindu dalam tukuh ti pemadu bendar. Pengerindu ti bendar nya pilih ngereja utai ti pemadu manah ke orang bukai, enda ngira ungkus, enda ngira baka ni penusah. Pengerindu ti bendar ukai asai ati ti ngiga pemenuh diri empu. Pengerindu ti bendar iya nya pengering ti enda bebatak asur ti semina ngiga pemanah orang ti dikerindu. Pengerindu Jesus ke mensia balat amat nyentukka Iya diiri nuju pemati Iya ti benung nganti enggau kuasa ti besai. Iya enda bebali deka ngelengka nyawa Iya ketegal kitai semua, lalu nadai utai ti tau nagang Iya ari pengawa nya. Dalam pengidup kitai empu, mudah amat kitai enda ingatka nama pengerindu ti bendar. Kitai mudah tepejuh enggau pengingin diri empu lalu ngumbai pengingin nya pengerindu. Tang sida enda.

Berundingka, saritu, pasal penetap ati Tuhan kitai ti enda bebali deka rinduka kitai semua enggau chara bekorban nengah chara merinsa ti balat, nengah chara tan ditulak, enggau nengah chara mati ba Regang. Nadai utai ulih nagang Iya ari pengerindu tu. Kitai patut ngayanka pengerindu ti sama.