Ruang Bilik ti Pechaya, Mansang sereta ulih mela.

 Ruang Bilik ti Pechaya, Mansang sereta ulih mela.

Chara nanam kurma tu nyelai amat laban udah iya ditanam, bala pekebun deka ngengkahka batu betul-betul ba atas benih tadi. Tuju iya ngambika batu nya ulih tan napi angin ti chukup balat tauka ribut padang pasir, ti tau ngasuh benih utai tumbuh ditekan enggaika tebasau sebedau iya tumbuh. Nyadi bakani benih tu deka ngasilka pucuk enti bisi batu nyekat iya? Nyadi pengudah anak sawit nya bisi akar ti chukup tegap laban udah tetemuka pun pemakai ti manah, pucuk baru ti tumbuh kediri deka numbangka batu ti bisi ba jalai sida. Iya endang begunaka awak ti chukup lama dikena ngasilka pucuk, laban proses berakar ti tegap mesti nyadi dulu.

Nya ke bendar gambar orang Kristian ti beurat, iya baka pun sawit ti ditanam dalam Rumah Sembiang Allah Taala. Reti nya kitai mesti bisi kaul ti rapit enggau Allah Taala, alai Allah Taala empu enggau Jaku Iya nyadi pun pengidup enggau pemakai roh ke kitai. Proses berakar ti tegap nyamin penumbuh ti manah dalam pengarap ngambika iya bisi pengeliat ati enggau kuasa "nembuska" penanggul ti nekul penumbuh!

Kati kitai udah nyadi orang Kristian tauka ruang bilik Kristian ti tegap ba urat pengarap ba Allah Taala? Tauka pengarap Kristian kitai semina "modest Christianity- Pengarap Kristian ti sederhana ", ngambika kitai nadai ngembuan pengeliat ati lebuh ribut balat nyadi (Matthew 7:24-27), nadai ngembuan kuasa "break down" ngelaban selfishness ngira diri empu aja - tauka old self- ngumbai diri tuai,ti tau kitai ti nekul penumbuh pengarap kitai. Pengarap Kristian semina pengawa pengarap ba kitai, reti nya kitai bedau nyadi mensia baru (2 Kor 5:17), bedau ngelebus ari pemati ngagai pengidup (John 5:24).  Ngambika pengidup kitai enda nyadi saksi. Nyadi orang Kristian ukai semina arap sereta dibaptisa aja. Taja pia, baka utai tumbuh, iya begunaka proses, ngambika urat pengarap kitai tauka pelasar pengarap kitai nyadi tegap agi. Ulang Adat 6:6-9 nyadika atur ngagai apai indai ngambika nyeridi anak sida, ke alai pengawa apai indai kelimpah ari ngintu, mega ngasah anak sida berulang-ulang, nengah mayuh macham chara enggau peluang. Enggau chara tu, proses nanam, ngakar sereta tumbuhka pengarap ulih nyadi nyadika pengawa ti sengaja. Berebak enggau nya, "panas angat", "batu", "angin tauka ribut" nya penanggul semula jadi ti pengujung iya nyadika penegap pun enggau penumbuh pengarap kitai.