Jako Kunsi: Pechaya ba Pengelikun

 

Pechaya ba Pengelikun

“Kati pengerindu Nuan ti meruan belama iya bisi dikenang dalam kubur?

Kati penetap ati Nuan dikenang ba endur alai pengerusak?

12Kati kereja ajih Nuan bisi dipeda ba endur ti petang nya?

Kati pemadas Nuan bisi ditemu di dunya pemati?” (Masmur 88:11-12)

 

PESAN:

Batang pengarap Kristian iya nya pengarap ti madahka mensia idup pengudah mati ba tubuh enggau pengadang pengangkat ari mati. Kuasa pengangkat Jesus ukai pelasar sampi pemasmur ti sakit sereta merinsa dalam teks Bup Kudus ti dibaca kitai. Taja pia, taja pan sida balat tusah ati, tang sida mega bisi pengadang ke kuasa enggau kereja ajih Allah Taala.

Laban Jesus Kristus mati nyadika piring ka kitai, ulih enggau andal ati arapka pengidup nitihka Allah Taala dalam Roh taja pan kitai mati. "Laban nya meh kebuah Berita Manah udah ditusui ngagai orang ke mati, ngambika, taja pen sida udah diakim lebuh sida agi idup baka semua orang bukai ketegal semua utai ti udah dikereja sida, sida tau idup dalam roh baka Allah Taala.."-1 Ptr. 4:6.

Bisi siti tanda ti terang ke pekara tu. Tekala nya udah pemati piring Jesus Kristus, Tuhan orang ti idup enggau orang ti udah mati mansang lalu nginjil ngagai roh ti dalam rumah jil, iya nya ngagai sida ti mati dalam bah besai (1Ptr. 3:19,20). "19lalu dalam roh Iya bejalai lalu nusui Berita Manah ngagai sida roh ti kena tutup, 20 ke enda ngasi dulu menya lebuh Allah Taala liat ati nganti lebuh maya Noah menya, lebuh bandung benung digaga, ti alai semina mimit aja orang - lapan iku aja semua sida - diselamatka ulih ai."

Pengawa nyelamatka mensia oleh Jesus Kristus terus nyadi ba dunya. Ngambika pengawa Allah Taala diteruska, semengat ti diselamatka nyadika aum orang kudus. Orang ti bisi kaul enggau begulai sepengerindu enggau pemanah Tuhan deka bulih penguntung. Amen.