Pemilih Anak Domba
Anak domba nya udah putus pengarap – siku ukoi kampung ti besai benung ba tumit iya lalu jampat ka ngulih ka iya. Meda endur ngenduh semak, anak domba nya ngaga pemutus enggau jampat lalu belanda nengah lubang ti sempit ba dinding. Iya udah berumban tama ngagai rumah sembiang . Ukoi kampung nya, tuchum tuchum jai, lalu bejaku, “Nuan engka sama manah pansut; imam deka munuh nuan enti iya nangkap nuan dalam nya.”
Anak domba nya berunding enda lama lalu nyaut, “Aku milih diau ditu.” “Manah agi diberi piring ngagai Allah Taala dalam rumah Iya, ari ti ninggalka rumah nya, lalu diempa nuan.”
Pengujung iya, juluk ati Sitan deka ngerusak semua orang ti nyadi ulun iya, seraya Allah Taala ngelepaska orang ti dijaga Iya. Allah Taala deka kitai nyadi “piring ti idup” ke Iya.
1 Peter 5:8-10 BK
[8] Disiplin diri empu sereta bejaga! Sitan ti munsuh kita bejalai segau-segau baka singa ti negung, begigaka orang ke deka diempa iya. [9] Laban meh Sitan, bediri tegap dalam pengarap, laban kita nemu, semua orang bukai ke arap di serata dunya tu sama natka pemerinsa nya baka kita. [10] Lalu lebuh kita udah natka pemerinsa nya enda lama, Allah Taala ti pun semua pengasih, ti udah ngangauka kita ngagai mulia Iya ti meruan belama iya dalam Kristus, deka ngaga kita nyadi baru, ngering sereta negapka kita.
Ni bagi ti deka dipilih nuan?
No comments:
Post a Comment