Jaku kena bejadi pengawa belaki bebini

 

Jaku kena bejadi pengawa belaki bebini

 

                     (Semina gambar pengias)

Keterubah aku meri selamat lemai sereta selamat datai ngagai bala kitai ka bisi ditu.(Manah agi didinga enti kitai ngelala nama, pengawa enggau pangkat sida tu)

Nyadi baka ka sari tu kitai bejadi lalu ngerami seduai (sebut nama) tu jadi melaki bini.

Nyadi pengawa kitai baka ka lemai tu besai bendar reti iya, kelebih agi ba seduai iya empu enggau sida iya sebilik laban tu meh pengawa ka suah disampika bala apai indai, ka meda anak sida nirika rumah tangga.

Baka nya mega bala bujang dara, pengawa ka baka tu endang digiga, endang dianti.

Kabuah aku madaka  baka nya laban sechara normal iya setiap iku kitai bisi tiga kali dikemegauka orang; iyanya keterubah iya maya kitai ada ke dunya tu.  Maya tu, sekurang-kurang iya bisi meh kaban belayan, orang sepiak-sepiak datai ngulu lalu nanyaka nama penempa anak kitai.

 

Kedua iya, maya kitai belaki bebini, baka ka lemai tu.

Ketiga kali iya orang begelumu ka kitai iyanya maya kitai mati ninggalka dunya tu.  Maya tu sebaruh-baruh pendiau tauka baka ni ka penyelai ulah kitai maya ka idup di dunya injau tu bisi meh orang datai ngulu pemati kitai.  Tang enti sema iya bisi kurang tauka lebih ari tiga kali tu, nya tepanggai ba nasib kitai siku-siku.

Siti ari pekara ka ka dikenang aku ba kitai mayuh ditu, kelebih agi ngagai seduai ka jadi melaki bini tu enggau sida iya sebilik iyanya pasal pengerindu.  Bisi rambai jaku orang putih ka ngemai reti iya enti dalam jaku Iban; Pengerindu endang enda kala minta tang selalu deka meri belama.  Nya alai sapa-sapa ka idup dalam pengerindu sama bela bulih pengasih enggau penyayau ari pangan diri, ukai semina ari seduai iya tang mega ari bala entua, ipar enggau kaban belayan.

Enti sama bulih pengasih enggau penyayau utai bukai anang telah agi, endang sigi bulih laban pengasih enggau penyayau tu meh kunchi penyenang kitai begulai melaki bini lalu enda ulih dibeli kitai ngena mata duit.  Nya alai pengerindu ka pangan diri beguna amat ngambika pengidup kitai belaki bebini senang lantang sereta meruan, taja pan dituntung penusah.

Siti agi pekara ka ka dikenang aku ditu iyanya, pasal madu enggau rachun.  Pengidup kitai mensia di dunya tu endang bisi madu enggau rachun.  Madu iya ditu iyanya pemajik tauka penyigat gamal kitai siku-siku, pemanah ulah, pementas, pengelandik, penyiru, pemagas enggau bemacham-macham agi pekara ka manah-manah.

Nyadi pemanah ka baka tu endang digiga lalu dikerinduka semua orang.  Tang rachun, iyanya gamal ka enda manah, ulah-ulah ka enda manah baka ngelusu, pengirup, penginsap, udu ka bemain, pengutur, pengamah enggau bemacham-macham pengenyai ka bukai, ka ngasuh ati kitai begedi meda iya.  Ba senentang tu kitai mesti ka nerima madu enggau rachun tu, kitai anang ngarapka orang berubah nitihka chara tauka atur kitai, tang kitai mega mesti sanggup ngubah diri nitihka chara orang ka enggau kitai begulai.

Ari tu baru kitai ulih segulai sejalai enggau meruan.  Seduai ukai semina sanggup nerima madu enggau rachun ba pangan diri tang mega sanggup nerima madu enggau rachun bala entua, ipar enggau kaban belayan ka bukai.

Enggau awak tu megai, aku ka nyebut pasal nguai tauka enda nguai.

Ba sesetengah orang, nguai enda nguai tu isu sensitif lalu tau ngasuh ati enda lantang.  Enti agi kelia pasal nguai tauka enda tu dipantangka orang bendar maya ngatur diri belaki bebini, tu nyangka laban menua jauh lalu tusah ka nemu berita ari pangan diri, lalu mega tusah ka bekirumka pesan tauka belanja enggau barang ka bukai. Siti agi nama kabuah nguai tu mesti nyemetak diputuska maya ngatur diri belaki bebini tu iya nya ngambika enda tusah enti iya mati, dia alai iya nguai, dia meh alai nyenggai.

Tang diatu, hal nguai enggau enda tu ukai bepanggai ba pemutus jaku, tang bepanggai ba ati diri empu.  Nguai pan tua, enda meh semestiya diau begulai enggau entua laban diati kitai nyau sampal bekerja tauka mindah sebelah nengeri.  Kelimpah ari nya, diatu mega udah bisi jalai raya, radio, telefon binching ka murah enggau internet kena kitai bekirum berita enggau bala apai indai, menyadi enggau kaban belayan.  Baka nya mega baka belanja ulih  dikirum ngena bank, tekan ka aja ba teller machine ulih duit datai nada ngira dini-dini endur tauka penyauh kitai ari pangan diri.

Agi suba mayuh orang takut nguai, kelebih agi enti ensepi tulang diri tak lembau selalu, laban kelia kerja berat-berat baka ngambi kayu api, nyauk, ngiga lauk, nebas, nebang, nugal, mantun, ngetau maya bumai betaun.  Udah badu ngetau, ngangkut padi ga agi.  Tu meh ngasuh sekeda orang tak mantul-mantul nguai laban gawa ba bilik entua enda baka peneka kitai ba bilik diri.

Iya ka penudi, kena aku ngujungka jaku aku ngarapka seduai ka jadi melaki bini tu

betuchung baka bukit,

bekebung baka langit

bepunchak baka jala

chelap lindap ngaun menua

bulih duit, bulih ringgit

bulih anak bulih telesak.

Nya aja; terima kasih.

Google translate

Wedding Ceremony Speech

First of all, I would like to say good evening and welcome to all of us who are here.

So today we celebrate and celebrate the two (mention the name) become husband and wife.

So our celebration like this evening is very important, especially for themselves and their families because this is the celebration that parents often pray for, to see their children establish a marriage.

Likewise, the young men, such work is sought after, is waited for.

The reason I say that is because normally each of us has three phases ; it is the first time we are born into the world.  At this time, at least there are relatives, neighbors come to attend and ask the name of our children.

Second, when we get married, like tonight.

The third time people gather us is when we die and leave this world.  At this time, no matter how different our behavior is when we live in this world, there are people who come to attend our death.  But if it is less or more than these three times, it depends on our individual luck.

One of the things I want to remind many of us here, especially to the couple and their families is about love.  There is a slogan that means in Iban; Love never asks but will always give.  Therefore, anyone who lives in love will receive love and affection from each other, not only from them but also from their parents, in-laws and relatives.

If we get love and affection, we will get it because love and affection is the key to our happiness together as husband and wife and cannot be bought with money.  Therefore, love for each other is essential for our marriage to be happy and lasting, even when faced with adversity.

Another thing I want to mention here is about honey and chemicals.  Our life on earth is full of honey and poison.  The honey here is the beauty or handsome appearance of each of us, good behavior, performance, skills, compassion, strength and many other things that are good.

So this kind of beauty is sought after and loved by everyone.  But poison, which is bad appearance, bad habits such as greed, drinking, smoking, gambling, gossip, greed and various other evils, which make our hearts hate to see it.  In this regard, we must accept the honey and poison, we do not expect people to change according to our ways or rules, but we must also be willing to change ourselves according to the way people with us.

Only then can we be together forever.  They are not only willing to accept honey and poison from each other but also willing to accept honey and poison from their parents, in-laws and other relatives.

With this opportunity, I'm going to talk about doing or not doing.

For some people, doing nothing is a sensitive issue and can be uncomfortable.  If in the old days, the question of whether or not to marry was taboo, it was probably because the country was far away and it was difficult to get news from each other, and it was also difficult to send messages or money and other items. Another reason why this ceremony must be clearly decided when arranging marriage is so that it is not difficult if he dies, where he does, there is where funeral.

But now, the matter of doing or not depends not on the decision of the word, but depends on the heart.  Even if you are married, you don't have to live with your parents because now we have to work or move across the country.  In addition, there are now roads, radio, cheap mobile phones and the internet for us to send news to parents, siblings and relatives.  Similarly, money can be sent using a bank, just press the teller machine and the money will come no matter where or how far we are from each other.

The past, many people were afraid to work, especially if their bones were not always slow, because in the past, heavy work such as taking firewood, nyauk, looking for fish, cut, chopping, field, pull out grass, harvest during farming years.  After the harvest, the rice is no longer transported.  This is why some people are reluctant to work because working in their parents' house is not as comparing what we want in our own house.

Finally, to end my speech I hope you will become husband and wife.

That’s it; thank you.