Jaku Petara Nyadi Pengiring

 Jaku Petara Nyadi Pengiring

    Betaun-taun ke udah, siku apai ke enda arap madah ngagai anak indu iya ke mit pasal pengada baru enggau chara ti salah (enda nemu ari ni iya bulih penemu ke cherita tu). Ku iya:

"Enti kitai idup enggau manah ba dunya tu, dia lebuh kitai mati, Tuhan deka ngangkatka kitai nyadi mensia baru." (Ba rampa menua bukai)

"Enti orang nya kadang-kadang manah, kadang-kadang jai, dia orang nya deka ada baru nyadi jelu bekaki empat tauka dua kaki."

"Enti orang nya jai, dia orang nya deka ada baru nyadi jelu ti merayap, ukui, tauka jelu mit ti mudah dibunuh mensia."

    Nembiak indu mit nya majak ingatka cherita apai iya, nyentukka hari siti nembiak indu mit nya dikangau bemain ba zoo. Ukai pengaga ke diulih iya tang asai takut laban iya ingatka cherita apai iya pasal mensia diadaka baru nyadi jelu. Zoo sama enggau kebun mensia ti jai ba penemu nembiak indu mit nya. Timpuh nyau lalu nyentukka nembiak indu mit nya meretika utai ke dipadah apai iya nya enda amat. Iya nemu tuju apai iya nengah cherita nya ngambika nembiak indu mit nya nyadi anak mit ti manah, enda sedarka empas cherita ti kelalu balat nya kebendar iya merinsa ka pengasai ati anak iya.

    Indah diatu, kadang-kadang dalam raban orang ti ngumbai diri arapka Jesus, agi bisi apai indai ti ngelalau sereta ngenataika utai ti salah ngagai bala anak sida. Tertitih enggau jerita tuai, pengarap pelesu, tauka nama-nama cherita ti ditempa nuan empu lalu ngaga utai ti pengujung iya enda mai pemanah tang ngenakutka bala anak sida.

    Semua apai indai dekaka anak sida mansang besai nyadi orang ti manah dalam semua utai. Enda salah macha mayuh bup nyadika pun tauka input dalam ngiring bala anak kitai. Tang anang enda ingat, bisi siti bup ti beguna bendar ti tau nyadika lalau, iya nya  "Bup Kudus" ti terang bendar dalam pemendar iya baka ti disebut dalam Jaku Dalam 22:6, " Ajar anak mit jalai idup, nya baru sida deka ingatka ajar nya seumur idup."

Aram kitai nunjuk sereta ngiring bala anak kitai ba jalai ti dikedeka Allah Taala.

Tuhan Merekat ka kitai semua..