Pemeri ari sitan?!…..

                                     Pemeri ari sitan?!..

Ary Scheffer - The Temptation of Christ (1854)

Aku sedar, mayuh orang Kristian enda meretika reti pemeri ari sitan enggau cara tipu sitan.

1.    Tebal agi orang Kristian agi ngumbai sitan semina madah sereta nguji orang ngereja penyai. Ngereja penyai enggau ngereja utai ti jai! Amat, nya siti ari chara iya nangkap orang.

2.    Tang bisi siti agi chara iya ngulih ka mensia... iya nya dalam nyediaka pemeri ti mayuh, pengelantang ti nadai pengujung... ngambika mensia enda ingatka Allah Taala. Ke-2 tu nyangka lebih bahaya laban enda ditemu tau nyadi pengawa ti dikerja sitan... tang dianggap "berkat" Tuhan. Mayuh orang Kristian ngumbai semua bansa rezeki datai ari Allah Taala - tu enda tentu amat.

Siti ari penguji ti diuji sitan ngagai Tuhan Jesus iya nya nawaran semua perintah dunya (Matthew 4:8). Dalam siti reti iya dipeda manah - pemanah enggau pemesai perintah dunya. Tang Tuhan Jesus meda semua nya nyadika jalai pandak ti nyadika chara sitan. Nyadi Tuhan Jesus ngelalau orang ti enda bejimat, “Tama nengah pintu ti sempit, laban pintu ti besai enggau jalai ti luas nuju ngagai pengerusak, lalu mayuh orang nengah jalai nya." (Matthew 7:13)

Nyadi orang Kristian.... anang kena tipu! Rezeki atau pemerinya enda semua iya berekat ari Petara; engka semina perangkap sitan aja. Masmur 91:3, "Iya deka ngibun nuan likun ari semua penusah ti enda dipeda,enggau ari semua penyakit ti tau munuh."