KEBUAH ARI SEMUA PELUANG

 

KEBUAH ARI SEMUA PELUANG (Jodoh tauka Pilihan?)

Rut 2:3.

3 I Rut lalu mansang ke umai, bejalai ngentudika bala orang ke bekereja, ngumpul tangkai barli ti ditinggalka sida. Umai nya umai Boas.

Boas Bertemu enggau Rut

Rut ngasaika siti utai ti nyelai. Dikena ngulihka pemakai kena diau enggau Naomi, iya sedia deka lelak ngiga teda gandum ti beserak ba umai.

Ladang sapa nya?

Rut pan enda nemu suba. Semina lebuh iya betemu enggau Boas baru Rut nemu umai nya enggi Boas. Ayat ti narit ati dalam ayat ti dibacha kitai iya nya, "kebetulan nya ba tanah Boas". Rut bedau merambu dulu deka ngagai umai Boas. Rut semina ngiga pengasih ba umai orang ngambika dikemendarka ngumpul tandan gandum, nya meh perambu keterubah iya.

Ba kitai, tentu mayuh utai nyadi kebetulan di luar perambu kitai. Nya meh engka kitai meda utai ke nyadi ba Rut.

Sapa nyangka Rut nyau kelama deka nyadi bini Boas?

Tang baka nama-nama aja perspektif kitai ba sesebengkah pekara, utai ti dipeda baka kebetulan, nyata bendar Petara benung bekereja ba belakang utai nya. Allah Taala meh ti ngengkahka Rut ba umai Boas, lalu indah betemu enggau Boas empu. Indah tusun peturun Tuhan Jesus datai ari Rut enggau Boas, perambu Allah Taala ti luar biasa.

          Ari cherita betemu Rut enggau Boas, kitai dikingatka utai ti dianggap kitai kebetulan, kebendar iya ukai kebetulan (peristiwa ti nadai kebuah), tang Allah Taala endang amat bisi ngereja utai dalam pengidup kitai. Nya alai, awakka kitai minta iring ari Tuhan dalam tiap iti perambu. Enggau nya, nama-nama utai ti nyadi ti diasaika kitai, kitai ulih belajar meretika peneka Allah Taala.

Indah ARI KEBUAH tiap iti kebetulan ti diasaika kitai, Allah Taala benung bekereja mantaika peneka Iya. Nadai utai nyadi sengapa enti nadai pemendar enggau perambu Tuhan.

Aram sama beperindang belematika sereta nyadi orang ti ngereja Jaku Allah Taala.