Sampi Minta Lindung Setiap Pagi

 Sampi Minta Lindung Setiap Pagi

Kami ngaku, serta arap enggau beterima kasih, ka Tuhan ti ngampun, nebus, ngemendarka serta nuci tubuh, ati enggau roh kami,
Ngena kuasa Darah serta pemesai kuasa nama Jesus Kristus,Kami ngancurka;

1. Semua perambu enggau akal jai sitan.

2. Tiap pengaroh serta kerja jai manang belian.
3. Tiap jako ngasoh puntan lanan, ngasoh kalah, ngasoh rugi bebadi.
4. Tiap roh ti ngasoh lemi serta sakit.
5. Tiap sampi ti ukai ari peneka serta pemendar Allah Taala dalam pengidup kami.
6. Setiap roh puntan enggau pengurang ngasoh miskin nadai bedaya.

Kami ngancurka dalam nama Jesus Kristus, ba tubuh kami,
Ba kami sebilik,
Ba kami sekaban belayan,
Ba orang ti semak begulai enggau kami,
Ba kerja tauka sekula semua bala kami,
Ba pengawa kami ka Tuhan mega,
Kami nyapa Tuhan Jesus ti siru meri pengasih,
Meri kuasa ngelindung,
Dalam tuju, dalam peneka Tuhan ba pengidup kami,
Awakka Melikat Tuhan dilepaska,
Ngibun, ngelindung, begulai enggau kami.
Awak ka kuasa Roh Kudus Nuan, negu ngubah kami nyadi baru,
Meri pengering, meri selamat serta kuasa,
Ulih Darah Anak Domba serta ulih nama penebus kami, Jesus Kristus Tuhan kami. Amen.