FOKUS (Singa enggau Rusa)
Pengelaju belanda dua iku jelu tu jauh bebida. Utai ti ngalitka ati, singa suah amat nyamai muru rusa lalu makai sida.
Lebuh rusa nemu bisi singa benung ngiga sereta ngasu iya, rusa deka belanda enggau naka pengelaju baka angin deka nyelamatka diri.
Tang ba maya ti sama muru rusa nya; andal amat singa nya deka ulih ngayau sereta ngambi iya.
Rusa ngasaika diri lemi enti dibanding enggau singa lalu ngasaika diri enda ulih ngelarika diri ari serang singa.
Penakut rusa ke singa ngasuh rusa suah matau malik ke belakang lebuh ke belanda, meda penyauh singa ba belakang iya.
Pengawa matau ti tau nabanka nyawa tu meri empas negatif ngagai pengelaju rusa.
Perati tu meh ti ngasuh rusa nya laun agi belanda lalu ngasuh singa ulih ngambi iya, udah nya nelan iya.
Enti rusa enda suah malik ke belakang,pengelaju iya deka entap lalu udah tentu singa nya enda ulih ngayau iya.
Enti rusa FOKUS ngagai pengering iya ba pengelaju iya; iya deka likun lepas ari pegai singa.
■Mayuh awak udah dibuai kitai malik ke belakang laban penakut ti kelalu ngasuh kitai enda andal ati.
Enti deka maju, FOKUS ngagai pengidup dudi hari laban peluang pemujur endang mayuh.
2 Timoti 1:7 “laban Allah Taala ukai meri kitai roh penakut, tang roh kuasa, roh
pengerindu enggau roh disiplin diri empu.”
No comments:
Post a Comment